DPP Athrawon @ Tŷ Pawb
Gyda Robin Bailey a Wendy Connelly o Raw-i Studios

Mae’r hyfforddiant rhad ac am ddim hwn yn addas ar gyfer athrawon ysgolion cynradd ac uwchradd sydd â diddordeb mewn datblygu eu hyder mewn gwreiddio sgiliau celfyddydau gweledol ar draws y cwricwlwm. Nid oes angen “da mewn celf” i gymryd rhan, dim ond cyffro i chwarae ac archwilio!
Bydd y tair sesiwn ymarferol hyn yn meithrin datblygiad llyfrau braslunio fel arf ar gyfer archwilio defnyddiau, technegau a sgiliau arsylwi.
Rydym yn annog mynychu pob un o’r tair sesiwn, ond gellir eu harchebu’n annibynnol. Pob sesiwn cynnwys ymweliad â’r oriel.

Gweithdy 1:- Darganfod Rhinweddau

31/01/2025, 18:00 – 19:30

Gall gweithio gydag ystod eang o adnoddau (gan gynnwys gwrthrychau a ddarganfuwyd a deunyddiau wedi’u taflu) gynnig profiadau gweledol a synhwyraidd newydd. Bydd y sesiwn yn ymdrin â:

• Darganfod a chyfuno defnyddiau

• Trafodaeth, cwestiynu a therminoleg

• Gwneud gwaith y gellir ei lunio i ddarparu llyfr gwaith creadigol

Gweithdy 2:- Haenau

21/03/2025, 18:00 – 19:30

Gall adeiladu delwedd gynnwys gwahanol ffyrdd o ychwanegu a thynnu haenau, a gall defnyddiau annog syniadau i symud a newid. Bydd y gweithdy hwn yn cynnwys:

• Cynhyrchu collages yn seiliedig ar lyfrau braslunio y gellir eu hail-lunio

• Creu lle i feddwl yn feirniadol

• Datblygu sgiliau llafaredd yn y broses o ailddiffinio gwaith celf

Gweithdy 3:- Graddfa, Cerflunio ac Arwynebau

13/06/2025, 18:00 – 19:30

Mae trawsnewid defnyddiau yn wrthrychau yn profi ein sgiliau arsylwi a’n gallu i uniaethu ac ailddiffinio. Bydd y sesiwn hon yn cynnwys:

• Arsylwi a lluniadu, allwedd i ddatblygu gofodau ar gyfer ffurfiau

• Addysgu trwy ‘Sgaffaldio’

• Y daith a thrawsnewid o fraslun i gerflunwaith

Am Raw-i Studios

Mae Raw-i Studios yn ddeuawd addysg greadigol o Swydd Gaer sydd â diddordeb mewn ‘Cefnogi, Creu, a Datblygu Celf ac Ymdrechion Artistig’.

Robin Bailey

Bardd, Athro ac Uwch Arweinydd gyda dros 17 mlynedd o brofiad o gyflwyno hyfforddiant o ansawdd uchel i arweinwyr gyrfa gynnar, canol ac uwch. Wedi’i gymhwyso fel Addysgwr Google, mae ganddo angerdd am sut y gellir defnyddio technoleg i drawsnewid dysgu yn yr ystafell ddosbarth a thu hwnt.

Wendy Connelly

Artist proffesiynol, yn arddangos ledled y byd, yn rheoli comisiynau a darlithydd cymwys am dros 15 mlynedd. Aelod o Glwb Celfyddydau Chelsea ac Engage. Mae Wendy yn cynnal gweithdai o’i stiwdio, gan gynnwys fel cynghorydd Gwobrau’r Celfyddydau gan gynnig gwobrau Darganfod hyd at Aur.

Archebu

I archebu lle ar y gweithdy DPP hwn gallwch naill ai anfon e-bost at heather.wilson@wrexham.gov.uk gyda’ch enw ac enw’ch ysgol, neu gallwch archebu lle trwy’r ddolen sydd ar gael trwy Eventbrite.