Am Tŷ Pawb

Tŷ Pawb yw adnodd cymunedol diwylliannol Wrecsam sydd wedi ennill sawl gwobr, sy’n dod â’r celfyddydau a marchnadoedd ynghyd o fewn yr un ôl troed. Mae’r cydfodolaeth hwn yn dathlu arwyddocâd marchnadoedd o fewn treftadaeth ddiwylliannol a hunaniaeth Wrecsam.

Rydym yn cynnig gofod ar gyfer deialog ar bynciau gan gynnwys materion cymdeithasol a dinesig, yr amgylchedd, iechyd, hunaniaeth ddiwylliannol, cynaliadwyedd ac addysg.

Rydym yn cyflwyno rhaglen gyfoes o arddangosfeydd croesawgar a chynhwysol, prosiectau cymdeithasol a pherfformiad byw. Mae’r rhaglen yn pwysleisio sgiliau a chrefft, gan weithio gydag artistiaid newydd a sefydledig o bob cefndir.

Agorodd Tŷ Pawb am y tro cyntaf yn 2018 yn dilyn prosiect buddsoddi helaeth a gomisiynwyd gan Gyngor Bwrdeistref Sirol Wrecsam gyda chymorth ariannol ychwanegol gan Gyngor Celfyddydau Cymru a Llywodraeth Cymru.

Cynlluniwyd yr ailddatblygiad gan Sarah Featherstone o Featherstone Young.

Mae cyfleusterau Tŷ Pawb yn cynnwys dwy oriel, theatr/gofod perfformio, sawl ystafell gyfarfod, bar a chwrt bwyd a neuadd farchnad sy’n gartref i bron i 30 o fusnesau annibynnol lleol.